នៅថ្ងៃទី៩ ខែកក្កដា យ៉ាងហោចណាស់ជនជាតិប៉ាឡេស្ទីន៩នាក់បានស្លាប់ និងមនុស្សជាច្រើននាក់ទៀតរងរបួស ដោយសារការវាយប្រហារតាមអាកាស និងការបាញ់ប្រហាររបស់អ៊ីស្រាអែលនៅតំបន់ហ្គាហ្សា ទោះបីជាបទឈប់បាញ់នៅតែមានសុពលភាពក៏ដោយ។
ប្រភពពីសារព័ត៌មានAl Jazeera។
តាមមន្ត្រីសុខាភិបាលប៉ាឡេស្ទីន ការវាយប្រហារបានកើតឡើងនៅតំបន់ជាច្រើន រួមមានទីក្រុងហ្គាហ្សា និងតំបន់ Al-Mawasi ក្នុង Khan Younis ដែលមានជនភៀសខ្លួនស្នាក់នៅ។
ទន្ទឹមនឹងនេះ កិច្ចចរចាដើម្បីឈានទៅរកកិច្ចព្រមព្រៀងបញ្ចប់សង្គ្រាមនៅតែជាប់គាំង។ ក្រសួងសុខាភិបាលហ្គាហ្សាបានឱ្យដឹងថា មនុស្សយ៉ាងហោចណាស់ ១,០៨៤ នាក់ បានស្លាប់ចាប់តាំងពីបទឈប់បាញ់ចូលជាធរមានកាលពីខែតុលាមក៕
