(បាត់ដំបង)៖ ស្ដង់លក់ដូរជាច្រើន ត្រៀមរៀបចំផលិតផលកសិផលរបស់ខ្លួន តាំងបង្ហាញនៅក្នុងពិព័រណ៍ផ្លែឈើប្រចាំឆ្នាំ២០២៦ នៅជុំវិញបរិវេណសាលាខេត្តបាត់ដំបង រយៈពេល៩ថ្ងៃ គឺចាប់ពីថ្ងៃទី១០ ដល់ថ្ងៃទី១៩ ខែកក្កដា ឆ្នាំ២០២៦ ដោយនឹងតាំងបង្ហាញកសិផលដែលមានសក្ដានុពលក្នុងខេត្តបាត់ដំបង។
ពិធីពិព័រណ៍ផ្លែឈើប្រចាំឆ្នាំ២០២៦ នឹងប្រព្រឹត្តទៅក្រោមអធិបតីភាព លោក ហួត ហាក់ រដ្ឋមន្ត្រីក្រសួងទេសចរណ៍ នៅល្ងាចថ្ងៃទី១០.០៧.២០២៦។ បងប្អូនប្រជាពលរដ្ឋ អាចចូលរួមទស្សនា និងជាវទិញកសិផលក្នុងស្រុក ដើម្បីផ្ដល់នូវកម្លាំងចិត្តដល់កសិករយើង៕
