កាលពីថ្ងៃទី១០ ខែកក្កដា រុស្ស៊ីបានបើកការវាយប្រហារតាមអាកាសលើទីក្រុងKramatorsk និង Zaporizhzhia របស់អ៊ុយក្រែន បណ្តាលឱ្យមនុស្ស៥នាក់ស្លាប់និងជាង២៥នាក់ទៀតរងរបួស។
ប្រភពពីសារព័ត៌មានAl Jazeera។
មន្ត្រីអ៊ុយក្រែនឱ្យដឹងថា នៅទីក្រុង Kramatorsk មនុស្ស ៤ នាក់បានស្លាប់ បន្ទាប់ពីគ្រាប់បែកវាយប្រហារអគារលំនៅឋាន និងហាង។ ចំណែកនៅទីក្រុង Zaporizhzhia មនុស្សម្នាក់បានស្លាប់ និង ១៦ នាក់ទៀតរងរបួស ខណៈផ្ទះជាច្រើនខ្នងរងការខូចខាត។
ជាការឆ្លើយតប អ៊ុយក្រែនបានវាយប្រហាររោងចក្រចម្រាញ់ប្រេង ២ កន្លែង ស្ថានីយ និងឃ្លាំងប្រេងរបស់រុស្ស៊ី ព្រមទាំងកប៉ាល់ដឹកប្រេង ១០ គ្រឿងនៅសមុទ្រ Azov ដើម្បីរំខានការផ្គត់ផ្គង់ប្រេងដល់កងទ័ពរុស្ស៊ី៕
