កូរ៉េខាងជើង បានរិះគន់កិច្ចប្រជុំកំពូលណាតូ ដោយចោទថា សហរដ្ឋអាមេរិក និងសម្ព័ន្ធមិត្តកំពុងបង្កើនការពង្រឹងកម្លាំងយោធា និងបង្កភាពតានតឹងក្នុងតំបន់។
ប្រភពពីសារព័ត៌មានReuter នៅថ្ងៃទី១១ខែកក្កដា។
ក្រសួងការបរទេសកូរ៉េខាងជើងបានអះអាងថា ការលុបបំបាត់អាវុធនុយក្លេអ៊ែរគួរតែចាប់ផ្តើមពីប្រទេសដែលស្ថិតក្រោមការការពារនុយក្លេអ៊ែររបស់អាមេរិក ដូចជា កូរ៉េខាងត្បូង ជប៉ុន និងប្រទេសសមាជិកណាតូមួយចំនួន មិនមែនទាមទារឱ្យកូរ៉េខាងជើងបោះបង់អាវុធរបស់ខ្លួនតែម្នាក់ឯងនោះទេ។
កូរ៉េខាងជើងក៏បានបញ្ជាក់ថា ខ្លួននឹងបន្តពង្រឹងសមត្ថភាពអាវុធនុយក្លេអ៊ែរ និងធ្វើទំនើបកម្មយោធា ដើម្បីការពារសន្តិសុខ និងអធិបតេយ្យភាពរបស់ប្រទេស៕
