ចំនួនអ្នកស្លាប់ដោយសារ គ្រោះរញ្ជួយដី២លើកជាប់ៗគ្នា ដែលបានវាយប្រហារប្រទេសវេណេស៊ុយអេឡានៅថ្ងៃទី២៤ ខែមិថុនា បានកើនឡើងដល់៤.៣៣៣នាក់ និងរបួសចំនួន១៦.៧៤០នាក់!
នេះបើយោងតាម ប្រធានរដ្ឋសភា លោក Jorge Rodriguez បានប្រាប់អ្នកយកព័ត៌មាន កាលពីថ្ងៃសៅរ៍ទី១១.០៧.២០២៦(ម៉ោងនៅក្នុងតំបន់)។
សារព័ត៌មាន(រ៉យទ័រ)។
មន្ត្រីរូបនេះ បាននិយាយថា អ្នកស្លាប់ចំនួន ៣១៥នាក់ មិនទាន់ត្រូវបានកំណត់អត្តសញ្ញាណនៅឡើយទេ។
ចំនួនអ្នករងរបួសជាផ្លូវការនៅតែមិនផ្លាស់ប្តូរនៅត្រឹម១៦.៧៤០នាក់ ខណៈដែលមនុស្ស ៦.៤៦២នាក់ត្រូវបានជួយសង្គ្រោះ និងប្រហែល ១៧.០០០នាក់គ្មានផ្ទះសម្បែង។
លោក Rodriguez បាននិយាយថា ប្រធានាធិបតីស្តីទី Delcy Rodriguez នឹងបែងចែកផ្ទះចំនួន ២០០ខ្នងដំបូងដល់អ្នកដែលរងផលប៉ះពាល់នៅសប្តាហ៍ក្រោយ ប៉ុន្តែមិនបានផ្តល់ព័ត៌មានលម្អិតបន្ថែមទេ។
លោក Rodriguez ក៏បាននិយាយផងដែរថា អគារចំនួន ៨៥៦ខ្នងត្រូវបានរងផលប៉ះពាល់ ដែលក្នុងនោះ ១៩០ខ្នងបានដួលរលំទាំងស្រុង ឬរងការដួលរលំរចនាសម្ព័ន្ធ។
យោងតាមការប៉ាន់ស្មានបឋមរបស់រដ្ឋាភិបាល ផ្ទះចំនួន២៥.០០០ ខ្នងត្រូវបានទាមទារ។
អាជ្ញាធរបានកំណត់អត្តសញ្ញាណដីឡូត៍ប្រហែល៤០ ឡូត៍រួចហើយ ដែលមានទំហំសរុបប្រហែល៥៨៤.០០០ ម៉ែត្រការ៉េ សម្រាប់គម្រោងលំនៅដ្ឋាននៅ Osma និង Chuspa។
លោក Rodriguez បាននិយាយថា ប្រតិបត្តិការស្វែងរកកំពុងបន្ត ដោយនិយាយថា “ដរាបណានៅមានជីវិត នៅតែមានសង្ឃឹម។
យើងនៅតែមានទីតាំងមួយ ឬពីរកន្លែងដែលស្ថានភាពនៅតែមិនប្រាកដប្រជា ទីតាំងសកម្មដែលយើងកំពុងស្វែងរកអ្នករស់រានមានជីវិត”៕
