មនុស្ស២នាក់បានស្លាប់ និង៤នាក់ទៀតរងរបួស បន្ទាប់ពីមានការបាញ់ប្រហារនៅក្បែរពិធីបុណ្យតាមផ្លូវSalsa on St. Clair ក្នុងទីក្រុងតូរ៉ុនតូ ប្រទេសកាណាដា កាលពីល្ងាចថ្ងៃសៅរ៍។
ប្រភពពីសារព័ត៌មានAP នៅថ្ងៃទី១២ខែកក្កដា។
ប៉ូលិសបានឱ្យដឹងថា ហេតុការណ៍នេះមិនមែនជាការបាញ់ប្រហារដោយជនប្រដាប់អាវុធម្នាក់វាយប្រហារមនុស្សទូទៅទេ ប៉ុន្តែជាការបាញ់តបគ្នារវាងមនុស្សពីរនាក់ដែលមានគោលដៅលើគ្នា។ ទោះយ៉ាងណា ការបាញ់ប្រហារនេះបានធ្វើឱ្យមនុស្សជាច្រើននៅជុំវិញមានគ្រោះថ្នាក់។
ប៉ូលិសបានរកឃើញកាំភ្លើង ២ ដើមនៅកន្លែងកើតហេតុ ប៉ុន្តែមិនទាន់ចាប់ខ្លួនជនសង្ស័យណាម្នាក់បាននៅឡើយទេ។ ក្រុមប៉ូលិសបានបិទតំបន់កើតហេតុ និងស្នើឱ្យប្រជាពលរដ្ឋជៀសវាងតំបន់នោះជាបណ្តោះអាសន្ន៕
