សហរដ្ឋអាមេរិកបានប្រកាសថា កងទ័ពរបស់ខ្លួនបានបញ្ចប់ការវាយប្រហារថ្មីលើគោលដៅយោធារបស់អ៊ីរ៉ង់នៅតាមឆ្នេរសមុទ្រភាគខាងត្បូង។ បើតាមបញ្ជាការកណ្តាលអាមេរិក (CENTCOM) ការវាយប្រហារនេះមានគោលបំណងបន្ថយសមត្ថភាពរបស់អ៊ីរ៉ង់ក្នុងការវាយប្រហារលើនាវាពាណិជ្ជកម្ម។
ប្រភពពីសារព័ត៌មានAnasolu Agency នៅថ្ងៃទី១៤ខែកក្កដា។
គោលដៅដែលត្រូវបានវាយប្រហារមាននៅទីក្រុង និងតំបន់ជាច្រើន រួមមាន Bushehr, Chah Bahar, Jask, Konarak, Abu Musa និង Bandar Abbas។ អាមេរិកបានប្រើអាវុធដែលមានភាពត្រឹមត្រូវខ្ពស់ ដើម្បីវាយប្រហារប្រព័ន្ធមីស៊ីល ដ្រូន ប្រព័ន្ធការពារឆ្នេរសមុទ្រ និងសមត្ថភាពយោធាជើងទឹករបស់អ៊ីរ៉ង់។
ប្រធានាធិបតី ដូណាល់ ត្រាំ បាននិយាយថា អាមេរិកកំពុងបំផ្លាញសមត្ថភាពយោធារបស់អ៊ីរ៉ង់ដែលពាក់ព័ន្ធនឹងច្រកសមុទ្រ Hormuz ប៉ុន្តែលោកក៏បញ្ជាក់ថា នៅតែមានឱកាសដោះស្រាយវិបត្តិនេះតាមផ្លូវការទូត៕
