អ៊ីរ៉ង់បានប្រកាសនៅថ្ងៃទី១៥ ខែកក្កដា ឆ្នាំ២០២៦ ថាទាហានរបស់ខ្លួន៧នាក់ត្រូវបានសម្លាប់ និងមួយចំនួនទៀតរងរបួស បន្ទាប់ពីមីស៊ីលអាមេរិកបានវាយប្រហារមូលដ្ឋានទ័ពនៅភាគអាគ្នេយ៍ប្រទេសអ៊ីរ៉ង់។
ប្រភពពីសារព័ត៌មានAnadolu Agency។
តាមប្រព័ន្ធផ្សព្វផ្សាយរដ្ឋអ៊ីរ៉ង់ ការវាយប្រហារនេះបានបាញ់មីស៊ីល ១៣ គ្រាប់ទៅលើតំបន់ស្នាក់នៅ និងអគាររបស់កងទ័ពជើងគោក នៅទីក្រុង Bampur ខេត្ត Sistan និង Baluchestan។ កងទ័ពអ៊ីរ៉ង់និយាយថា ទាហាន ៧ នាក់នៃកងពលតូចទី៣៨៨ បានស្លាប់ក្នុងហេតុការណ៍នេះ។
កងទ័ពអ៊ីរ៉ង់បានថ្កោលទោសការវាយប្រហារ និងប្រកាសថានឹងឆ្លើយតបយ៉ាងខ្លាំងចំពោះអ្វីដែលខ្លួនហៅថាការឈ្លានពានរបស់អាមេរិក៕
