គុយវ៉ែត ប្រកាសថាប្រព័ន្ធការពារដែនអាកាសរបស់ខ្លួនបានស្ទាក់បាញ់ដ្រូនសត្រូវជាច្រើនគ្រឿង!

គុយវ៉ែតបានប្រកាសថា ប្រព័ន្ធការពារដែនអាកាសរបស់ខ្លួនបានស្ទាក់បាញ់ដ្រូនសត្រូវជាច្រើន ដែលត្រូវបានចោទថាបាញ់មកពីអ៊ីរ៉ង់។សំឡេងផ្ទុះដែលប្រជាពលរដ្ឋបានឮ គឺបណ្តាលមកពីការស្ទាក់បាញ់របស់ប្រព័ន្ធការពារដែនអាកាស។
ប្រភពពីសារព័ត៌មានAnadolu Agency នៅថ្ងៃទី២០ខែកក្កដា។

នៅប្រទេសបារ៉ែន ក្រសួងមហាផ្ទៃបានបន្លឺស៊ីរ៉ែនព្រមាន និងអំពាវនាវឱ្យប្រជាពលរដ្ឋ និងអ្នករស់នៅ ស្វែងរកទីជម្រកដែលមានសុវត្ថិភាព។
មកទល់ពេលនេះ មិនទាន់មានសេចក្តីរាយការណ៍អំពីអ្នកស្លាប់ ឬការខូចខាតនៅក្នុងប្រទេសទាំងពីរនោះទេ។ ស្ថានការណ៍កើតឡើងស្របពេលភាពតានតឹងរវាងអាមេរិក និងអ៊ីរ៉ង់កាន់តែកើនឡើង ជុំវិញច្រកសមុទ្រ Hormuz៕