ក្រសួងសុខាភិបាលកុងហ្គោ បានឱ្យដឹងថា មនុស្សយ៉ាងហោចណាស់ ៩៣០នាក់ បានស្លាប់ដោយសារជំងឺអេបូឡា ខណៈករណីឆ្លងសរុបកើនដល់ ២,៣៤៤ករណី។
ប្រភពពីសារព័ត៌មានAP នៅថ្ងៃទី២០ខែកក្កដា។
ការផ្ទុះជំងឺនេះបានចាប់ផ្តើមនៅថ្ងៃទី១៥ ខែឧសភា ហើយត្រូវបានចាត់ទុកថា ជាការរីករាលដាលលឿនបំផុតមិនធ្លាប់មាន។ បច្ចុប្បន្ន មិនទាន់មានវ៉ាក់សាំង ឬថ្នាំព្យាបាលដែលត្រូវបានអនុម័តសម្រាប់វីរុសប្រភេទនេះនៅឡើយ។
អាជ្ញាធរបញ្ជាក់ថា កិច្ចខិតខំទប់ស្កាត់ជំងឺកំពុងប្រឈមការលំបាក ដោយសារបញ្ហាសន្តិសុខនៅតំបន់ភាគខាងកើតប្រទេស៕
