ភ្លៀងមូសុងធ្លាក់ខ្លាំងបានបង្កឱ្យមានទឹកជំនន់ និងការបាក់ដីនៅភាគខាងជើងនិងភាគឦសានប្រទេសឥណ្ឌា សម្លាប់មនុស្សយ៉ាងហោចណាស់២៥នាក់ កាលពីចុងសប្តាហ៍។
ប្រភពពីសារព័ត៌មានReuter នៅថ្ងៃទី២០ខែកក្កដា។
នៅតំបន់កាស្មៀរគ្រប់គ្រងដោយឥណ្ឌា មនុស្ស ១៥នាក់បានស្លាប់ ខណៈនៅរដ្ឋ Nagaland មានមនុស្ស ៩នាក់ស្លាប់ដោយសារបាក់ដី និងនៅរដ្ឋ Assam មានអ្នកស្លាប់ ១នាក់ ដោយទឹកជំនន់ ប៉ះពាល់ប្រជាពលរដ្ឋជាង ៥៧,០០០នាក់។
អាជ្ញាធរឥណ្ឌាបានព្រមានថា ស្ថានភាពភ្លៀងមូសុងនឹងបន្តរយៈពេល ៦ ទៅ ៧ថ្ងៃខាងមុខ ដែលអាចបង្កហានិភ័យទឹកជំនន់ និងបាក់ដីបន្ថែមទៀត៕
