ប្រទេស៨រួមមាន តួកគី អេមីរ៉ាតអារ៉ាប់រួម អេហ្ស៊ីប កាតា អារ៉ាប៊ីសាអូឌីត ហ្ស៊កដានី ប៉ាគីស្ថាន និងឥណ្ឌូនេស៊ី បានរួមគ្នាថ្កោលទោសអ៊ីស្រាអែល ចំពោះការចូលទៅក្នុងបរិវេណវិហារ Al-Aqsa នៅក្រុងយេរូសាឡឹមខាងកើត។
ប្រភពពីសារព័ត៌មានAnadolu Agency នៅថ្ងៃទី២៤ខែកក្កដា។
ប្រទេសទាំងនេះនិយាយថា ការចូលទៅកាន់វិហារដោយក្រុមអ្នកតាំងទីលំនៅអ៊ីស្រាអែល និងមន្ត្រីអ៊ីស្រាអែល ក្រោមការការពាររបស់ប៉ូលិស គឺជា សកម្មភាពបង្កហេតុ និងរំលោភច្បាប់អន្តរជាតិ។ ពួកគេក៏បានអំពាវនាវឱ្យអ៊ីស្រាអែល បញ្ឈប់ការរឹតត្បិតប្រជាជនមូស្លីមមិនឱ្យចូលទៅអធិស្ឋាននៅវិហារ Al-Aqsa និងគោរពសិទ្ធិរបស់អ្នកកាន់សាសនានៅទីកន្លែងបរិសុទ្ធនេះ៕
