អ៊ីរ៉ង់បាន បដិសេធសំណើឈប់បាញ់របស់សហរដ្ឋអាមេរិក ដែលនាយករដ្ឋមន្ត្រីអ៊ីរ៉ាក់ លោកAli al-Zaidi បានយកទៅប្រគល់នៅទីក្រុងតេហេរ៉ង់។ តាមសេចក្តីរាយការណ៍របស់ The New York Times មូលហេតុសំខាន់គឺ បញ្ហាការគ្រប់គ្រងច្រកសមុទ្រHormuz មិនទាន់ត្រូវបានដោះស្រាយ។
ប្រភពពីសារព័ត៌មានAnadolu Agency នៅថ្ងៃទី២៤ខែកក្កដា។
ការបដិសេធនេះកើតឡើង ខណៈការប្រយុទ្ធរវាងអាមេរិក និងអ៊ីរ៉ង់បានបន្តជិត ២ សប្តាហ៍។ កងកម្លាំងអាមេរិកក៏បានបន្តវាយប្រហារគោលដៅនៅអ៊ីរ៉ង់ជាប់ៗគ្នា ខណៈអ៊ីរ៉ង់បានព្រមានថា ប្រសិនបើមានការវាយប្រហារកាន់តែធ្ងន់ធ្ងរ សង្គ្រាមអាចពង្រីកទៅតំបន់ផ្សេងទៀត។
ជម្លោះនេះក៏បានធ្វើឱ្យ ការដឹកជញ្ជូនតាមច្រកសមុទ្រ Hormuz មានភាពរំខាន និងបង្កការព្រួយបារម្ភអំពីការផ្គត់ផ្គង់ថាមពលនៅទូទាំងពិភពលោក៕
