សង្គ្រាមរវាងរុស្ស៊ី និងអ៊ុយក្រែននៅតែបន្ត ដោយការវាយប្រហាររបស់ភាគីទាំងពីរបានបណ្តាលឱ្យមនុស្សយ៉ាងហោចណាស់១៧នាក់ស្លាប់។
ប្រភពពីសារព័ត៌មានAl Jazeera នៅថ្ងៃទី២៤ខែកក្កដា។
នៅអ៊ុយក្រែន ការវាយប្រហារដោយមីស៊ីលរបស់រុស្ស៊ីនៅតំបន់ Kyiv បានសម្លាប់មនុស្ស៦នាក់និងរបួសជាច្រើននាក់។ នៅទីក្រុង Sloviansk ក៏មានមនុស្ស៥នាក់ស្លាប់ និង ៩នាក់រងរបួស បន្ទាប់ពីរុស្ស៊ីទម្លាក់គ្រាប់បែកពីលើយន្តហោះ។
ចំណែកនៅប្រទេសរុស្ស៊ី អាជ្ញាធរបាននិយាយថា ការវាយប្រហាររបស់អ៊ុយក្រែននៅតំបន់ Kirov បានសម្លាប់មនុស្ស ៦នាក់។
ការវាយប្រហារទៅវិញទៅមកនេះបង្ហាញថា សង្គ្រាមរវាងប្រទេសទាំងពីរនៅតែបន្ត ហើយប្រជាជនស៊ីវិលនៅតែរងផលប៉ះពាល់ និងបាត់បង់ជីវិត៕
