ប្រធានាធិបតីអ៊ុយក្រែន លោកVolodymyr Zelenskyy បាននិយាយថា អ៊ុយក្រែនកំពុងរៀបចំជំនួបជាមួយប្រធានាធិបតីអាមេរិក Donald Trump និងក្រុមការងាររបស់លោក ដើម្បីពិភាក្សាអំពីស្ថានការណ៍សង្គ្រាម និងការគាំទ្រដល់អ៊ុយក្រែន។
ប្រភពពីសារព័ត៌មានAnadolu Agency នៅថ្ងៃទី២៥ខែកក្កដា។
Zelenskyy បានថ្លែងអំណរគុណដល់អាមេរិក និងប្រទេសដែលគាំទ្រអ៊ុយក្រែន។ លោកបានបញ្ជាក់ថា ការពារដែនអាកាស គឺជាអាទិភាពសំខាន់បំផុតដែលដៃគូអន្តរជាតិអាចជួយអ៊ុយក្រែនបាន។
ជាមួយគ្នានេះ លោកបានអះអាងថា រុស្ស៊ីកំពុងត្រៀមធ្វើការវាយប្រហារដោយមីស៊ីលទ្រង់ទ្រាយធំថ្មីលើអ៊ុយក្រែន ហើយការវាយប្រហារអាចកើតឡើងក្នុងរយៈពេល ៤៨ម៉ោង បន្ទាប់ ដោយយោងតាមព័ត៌មានស៊ើបការណ៍របស់អ៊ុយក្រែន និងដៃគូរបស់ខ្លួន៕
