កងទ័ពអ៊ីស្រាអែលបានចូលបិទខ្ទប់ទីក្រុង Tell ក្បែរទីក្រុង Nablus ក្នុងតំបន់West Bank ហើយបានឃាត់ខ្លួនបុរសជនជាតិប៉ាឡេស្ទីនជាង៤០នាក់។
ប្រភពពីសារព័ត៌មានTRT World នៅថ្ងៃទី២៥ខែកក្កដា។
កងទ័ពអ៊ីស្រាអែលក៏បានចូលឆែកឆេរផ្ទះជាច្រើន និងយកផ្ទះមួយខ្នងធ្វើជាកន្លែងសួរចម្លើយបណ្តោះអាសន្ន។ ប្រតិបត្តិការនេះកើតឡើងបន្ទាប់ពីមានការវាយប្រហារមួយដែលបណ្តាលឱ្យទាហានអ៊ីស្រាអែល ២នាក់ស្លាប់ និង ៣នាក់រងរបួស។
ជាមួយគ្នានេះ ប្រភពប៉ាឡេស្ទីនបាននិយាយថា អ្នកតាំងទីលំនៅអ៊ីស្រាអែលបានវាយប្រហារតំបន់ប៉ាឡេស្ទីនមួយចំនួន និងដុតផ្ទះ។ ក្រសួងសុខាភិបាលប៉ាឡេស្ទីនបានរាយការណ៍ថា ជនជាតិប៉ាឡេស្ទីន ៤នាក់បានស្លាប់ ក្នុងហេតុការណ៍នៅទីក្រុង Tell កាលពីថ្ងៃសុក្រ៕
