ប្រជាជនប៉ាឡេស្ទីន៩នាក់ទៀត ត្រូវបានសម្លាប់ ដោយការបាញ់របស់កងទ័ពអ៊ីស្រាអែល នៅក្នុងតំបន់ហ្គាហ្សាក្នុងរយៈពេល២៤ម៉ោងចុងក្រោយនេះ។
ដែលធ្វើឲ្យចំនួនអ្នកស្លាប់ ចាប់តាំងពីខែតុលា ឆ្នាំ២០២៣ រហូតពេលនេះកើនដល់៧៣.៣២៦នាក់ នេះបើយោងតាមក្រសួងសុខាភិបាល បាននិយាយកាលពីថ្ងៃអាទិត្យទី២៦.០៧.២០២៦។
សារព័ត៌មានAnadolu។
សេចក្តីថ្លែងការណ៍របស់ក្រសួង បាននិយាយថា មន្ទីរពេទ្យនានានៅទូទាំងតំបន់ហ្គាហ្សាបានទទួលសាកសពជនរងគ្រោះចំនួន៩នាក់។
ក្នុងនោះជនជាតិប៉ាឡេស្ទីនដែលទើបនឹងស្លាប់ចំនួន៧នាក់ និងពីរនាក់ដែលបានស្លាប់ដោយសាររបួសដែលបណ្តាលមកពីការវាយប្រហាររបស់អ៊ីស្រាអែលពីមុន។
អ្នករងរបួសចំនួន៣៦ នាក់ត្រូវបានបញ្ជូនទៅមន្ទីរពេទ្យក្នុងអំឡុងពេលដូចគ្នា ដែលធ្វើឲ្យចំនួនអ្នករងរបួសកើនឡើងដល់១៧៣.៩៩៧នាក់។
មនុស្សជាច្រើន នៅតែជាប់នៅក្រោមគំនរបាក់បែក និងនៅលើដងផ្លូវ ខណៈដែលរថយន្តសង្គ្រោះបន្ទាន់ និងក្រុមការពារជនស៊ីវិលមិនអាចទៅដល់ពួកគេបានដោយសារតែការវាយប្រហាររបស់អ៊ីស្រាអែលដែលកំពុងបន្ត។
ទោះបីជាមានបទឈប់បាញ់ដែលបានចូលជាធរមាននៅថ្ងៃទី១០ ខែតុលា ឆ្នាំ ២០២៥ ក៏ដោយ។
កងទ័ពអ៊ីស្រាអែលបានបន្តការវាយប្រហារប្រចាំថ្ងៃរបស់ខ្លួន ដោយបានសម្លាប់ជនជាតិប៉ាឡេស្ទីនយ៉ាងហោចណាស់១.២០០ នាក់ និងរបួស ៣.៨៨៨ នាក់ផ្សេងទៀត នេះបើយោងតាមក្រសួងសុខាភិបាលហ្គាហ្សា។
សង្គ្រាមអ៊ីស្រាអែល ចាប់តាំងពីខែតុលា ឆ្នាំ២០២៣ បានធ្វើឱ្យតំបន់ប៉ាឡេស្ទីនស្ថិតក្នុងសភាពខូចខាត ចំពេលមានស្ថានភាពមនុស្សធម៌ដ៏មហន្តរាយសម្រាប់ប្រជាជន ២,៤លាននាក់នៃទឹកដីនេះ៕
