(ភ្នំពេញ)៖ លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅថ្ងៃទី២៨.០៧.២០២៦។
បានបញ្ជាឲ្យកម្លាំងជំនាញ បើកការស្រាវជ្រាវតាមចាប់មនុស្សមួយក្រុមដែលមានរហស្សនាម«ខ្លារបស់មេ០៧»។
បន្ទាប់ពីពួកគេប្រើហិង្សាយ៉ាងធ្ងន់ធ្ងរទៅលើយុវជន២នាក់ ដោយបើកម៉ូតូដេញតាមទាត់ធាក់រហូតប្រកាច់។
វីដេអូនៃអំពើហិង្សានេះ ត្រូវបានគេចែកចាយ តាមបណ្តាញសង្គម អមដោយសាររិៈគន់ និងការថ្កោលទោសយ៉ាងខ្លាំង ហើយទទូចឲ្យថ្នាក់ដឹកនាំចាត់វិធានការតាមច្បាប់។
ហេតុការណ៍នេះ បានបង្កឲ្យមានការភ្ញាក់ផ្អើល នៅវេលាម៉ោងជាង ១យប់ឈានចូលថ្ងៃទី២៦ ខែកក្កដា ឆ្នាំ២០២៦ ស្ថិតតាមបណ្ដោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
លោក ជួន ណារិន្ទ បានលើកឡើងថា លោកបានបញ្ជាឲ្យកម្លាំងជំនាញ តាមចាប់ក្រុមខ្លាទាំងនេះ ទាំងមេនិងកូនខ្លា ដោយមិនលើកលែងនោះទេ.!។
គួរំលឹកថា នៅវេលាម៉ោងជាង ១យប់រំលងអាធ្រាត្រចូលថ្ងៃទី២៦ ខែកក្កដា ជនស៊ីវិល១ក្រុមតាំងខ្លួនជារហស្សនាម(ខ្លា)បានជិះម៉ូតូប្រដេញយុវជនពីរនាក់ជិះម៉ូតូមួយគ្រឿង ។
ហូតឈានដល់ការធាក់ផ្ដួល រួមតាំងប្រើហិង្សាវាយទៅលើយុវជនម្នាក់ ក្នុងចំណោមគ្នាពីរនាក់ បណ្ដាលឲ្យរងរបួសរហូតដល់ប្រកាច។
ក្រោយកើតហេតុភ្លាមៗកម្លាំងនគរបាលបានឃាត់ខ្លួនក្រុមខ្លា បានម្នាក់ តែបានដោះលែងទៅវិញ៕
