ការវាយប្រហារតាមអាកាសរួមគ្នារបស់សហរដ្ឋអាមេរិក និងអារ៉ាប៊ីសាអូឌីត លើទីតាំងរបស់ក្រុមប្រដាប់អាវុធដែលគាំទ្រដោយអ៊ីរ៉ង់ នៅប្រទេសអ៊ីរ៉ាក់ បានបណ្តាលឱ្យសមាជិកកងកម្លាំងប្រជាជនចល័តអ៊ីរ៉ាក់ (PMU) យ៉ាងហោចណាស់២០នាក់ស្លាប់ និង៣២នាក់រងរបួស។
ប្រភពពីសារព័ត៌មានTRT World នៅថ្ងៃទី២៩ខែកក្កដា។
ក្រុម PMU បាននិយាយថា ការវាយប្រហារបានបំផ្លាញអគារ និងទ្រព្យសម្បត្តិមួយចំនួននៅតាមទីតាំងជាច្រើនក្នុងប្រទេសអ៊ីរ៉ាក់។
សហរដ្ឋអាមេរិក និងអារ៉ាប៊ីសាអូឌីតបានអះអាងថា ការវាយប្រហារនេះមានគោលដៅលើក្រុមប្រដាប់អាវុធដែលគាំទ្រដោយអ៊ីរ៉ង់ ដើម្បីឆ្លើយតបទៅនឹងការវាយប្រហារលើកងទ័ពអាមេរិក និងទីតាំងប្រេងរបស់អារ៉ាប៊ីសាអូឌីត៕
