ក្រុមពន្លត់អគ្គិភ័យបារាំង បានគ្រប់គ្រងស្ថានការណ៍ភ្លើងឆេះព្រៃដ៏ធំមួយនៅភាគនិរតីប្រទេសបារាំងជិតទីក្រុងប័រដូ បន្ទាប់ពីភ្លើងបានបង្ខំឱ្យមានការជម្លៀសប្រជាពលរដ្ឋជាច្រើននាក់។
ប្រភពពីសារព័ត៌មានReuter នៅថ្ងៃទី២៩ខែកកក្កដា។
មន្ត្រីតំបន់ Gironde បានបញ្ជាក់ថា យប់កន្លងទៅស្ថានការណ៍មានភាពស្ងប់ស្ងាត់ ហើយភ្លើងនៅតែស្ថិតក្រោមការគ្រប់គ្រង ខណៈក្រុមពន្លត់អគ្គិភ័យអាចទប់ស្កាត់ការឆេះឡើងវិញបានយ៉ាងឆាប់រហ័ស។
ទោះបីជាយ៉ាងណា អាជ្ញាធរព្រួយបារម្ភថា អាកាសធាតុក្តៅខ្លាំង និងខ្យល់បក់ខ្លាំងដែលរំពឹងកើតមាន អាចធ្វើឱ្យភ្លើងរាលដាលឡើងវិញ។ ក្រុមពន្លត់អគ្គិភ័យនៅតែបន្តប្រតិបត្តិការយ៉ាងខ្លាំង ដើម្បីការពារតំបន់ដែលរងគ្រោះ៕
