នាយកប្រតិបត្តិក្រុមហ៊ុនMeta លោក Mark Zuckerberg បានព្រមានថារដ្ឋាភិបាលសហរដ្ឋអាមេរិកមិនគួរហាមឃាត់ម៉ូដែលបញ្ញាសិប្បនិម្មិត (AI) របស់ចិន ដើម្បីព្យាយាមយកប្រៀបក្នុងការប្រកួតប្រជែងផ្នែកAI នោះទេ។
ប្រភពពីសារព័ត៌មានReuter នៅថ្ងៃទី២៩ខែកក្កដា។
លោក Zuckerberg បាននិយាយថា ការហាមឃាត់បច្ចេកវិទ្យា AI កម្រិតខ្ពស់របស់ចិន មិនមែនជាវិធីដោះស្រាយមានប្រសិទ្ធភាពទេ។ លោកជំរុញឱ្យក្រុមហ៊ុនអាមេរិកផ្តោតលើការដោះស្រាយបញ្ហា និងឧបសគ្គផ្នែកបច្ចេកវិទ្យា ដើម្បីអាចប្រកួតប្រជែងជាមួយក្រុមហ៊ុន AI របស់ចិនបានល្អជាងមុន។
ការលើកឡើងនេះកើតឡើង ខណៈរដ្ឋាភិបាលអាមេរិកកំពុងព្រួយបារម្ភថា ក្រុមហ៊ុនបច្ចេកវិទ្យាចិនអាចប្រឈមនឹងការដាក់ទណ្ឌកម្ម ពាក់ព័ន្ធនឹងការចោទប្រកាន់ថាបានលួចបច្ចេកវិទ្យារបស់អាមេរិក៕
