ប្រធានាធិបតីឥណ្ឌូណេស៊ី លោកPrabowo Subianto បាននិយាយថា ប្រធានាធិបតីកូរ៉េខាងត្បូង លោកLee Jae Myung បានស្នើឱ្យលោកជួយបើកកិច្ចសន្ទនាជាមួយកូរ៉េខាងជើង ដើម្បីបន្ធូរបន្ថយភាពតានតឹងនៅឧបទ្វីបកូរ៉េ។
ប្រភពពីសារព័ត៌មានAnadolu Agency នៅថ្ងៃទី១ខែសីហា។
លោក Prabowo បានបញ្ជាក់ថា លោកត្រៀមធ្វើដំណើរទៅកាន់កូរ៉េខាងជើង ប្រសិនបើមានការអញ្ជើញជាផ្លូវការ ដើម្បីជួយសម្របសម្រួលការចរចា។ លោកក៏បានបញ្ជាក់ថា ឥណ្ឌូណេស៊ីនឹងបន្តគោលនយោបាយការបរទេសមិនចូលបក្សសម្ព័ន្ធយោធា និងលើកកម្ពស់ការដោះស្រាយជម្លោះតាមរយៈការសន្ទនា និងសន្តិភាព៕
