សង្គ្រាមជាមួយអ៊ីរ៉ង់បានធ្វើឱ្យកូវ៉ែតមានការព្រួយបារម្ភកាន់តែខ្លាំងចំពោះសន្តិសុខរបស់ខ្លួន បើទោះបីមានកងទ័ពអាមេរិកឈរជើងនៅទីនោះជាយូរមកហើយក៏ដោយ។
ប្រភពពីសារព័ត៌មានAnadolu Agency នៅថ្ងៃទី១ខែសីហា។
យោងតាមរបាយការណ៍ កងកម្លាំងអ៊ីរ៉ង់បានបាញ់មីស៊ីល និងបញ្ជូនដ្រូនវាយប្រហារទៅលើហេដ្ឋារចនាសម្ព័ន្ធសំខាន់ៗរបស់កូវ៉ែត ដូចជា រោងចក្រអគ្គិសនី អាកាសយានដ្ឋាន កំពង់ផែ និងទីតាំងពាក់ព័ន្ធនឹងការនាំចេញប្រេង។ ប្រព័ន្ធការពាររបស់អាមេរិកបានស្ទាក់ចាប់ការវាយប្រហារភាគច្រើន ប៉ុន្តែមូលដ្ឋានទ័ពអាមេរិកក៏ត្រូវបានវាយប្រហារផងដែរ។
ស្ថានការណ៍នេះបានធ្វើឱ្យកូវ៉ែតពិចារណាពីវិធីពង្រឹងការការពាររបស់ខ្លួន ដោយអាចស្វែងរកប្រព័ន្ធការពារដែនអាកាស និងអាវុធបន្ថែម។ ទោះជាយ៉ាងណា កូវ៉ែតនៅតែបន្តចាត់ទុកសហរដ្ឋអាមេរិកជាដៃគូសន្តិសុខដ៏សំខាន់៕
