ក្រុមហ៊ូធីនៅប្រទេសយេម៉ែន បានអះអាងថា នាវាដឹកប្រេងរបស់អារ៉ាប៊ីសាអូឌីតចំនួន៨គ្រឿង ត្រូវបានប្តូរផ្លូវពីច្រកសមុទ្រ Bab al-Mandab ទៅធ្វើដំណើរជុំវិញតំបន់ Cape of Good Hope ដោយសារការបិទផ្លូវសមុទ្ររបស់ក្រុមនេះ។
ប្រភពពីសារព័ត៌មានAnadolu Agency នៅថ្ងៃទី១ខែសីហា។
អ្នកនាំពាក្យយោធារបស់ហ៊ូធីបាននិយាយថា ការប្តូរផ្លូវនេះជាផ្នែកមួយនៃការរារាំងនាវាដែលពាក់ព័ន្ធនឹងអារ៉ាប៊ីសាអូឌីត។ ស្ថានការណ៍នេះបានកើតឡើង ខណៈប្រទេសអារ៉ាប៊ីសាអូឌីត និងប្រទេសចំនួន១៣ផ្សេងទៀត បានបង្កើតក្រុមចម្រុះការពារផ្លូវសមុទ្រ ដើម្បីការពារការដឹកជញ្ជូនពាណិជ្ជកម្ម និងការផ្គត់ផ្គង់ថាមពលនៅតំបន់សមុទ្រក្រហម និងឈូងសមុទ្រ Aden៕
