មនុស្សជាច្រើននាក់បានស្លាប់ និងអ្នកផ្សេងទៀតរងរបួស ក្នុងហេតុការណ៍បាញ់ប្រហារនៅភោជនីយដ្ឋានមួយក្នុងទីក្រុង Twin Falls រដ្ឋIdaho របស់សហរដ្ឋអាមេរិក កាលពីថ្ងៃសៅរ៍។
ប្រភពពីសារព័ត៌មានAnadolu Agency នៅថ្ងៃទី២ខែសីហា។
អាជ្ញាធរបានបញ្ជាក់ថា ជនសង្ស័យជាអ្នកបាញ់ប្រហារត្រូវបានរកឃើញស្លាប់នៅក្បែរកន្លែងកើតហេតុ។ ប៉ូលិសកំពុងស៊ើបអង្កេតពីមូលហេតុនៃការបាញ់ប្រហារ និងពិនិត្យមើលថាតើមានអ្នកផ្សេងទៀតពាក់ព័ន្ធឬអត់។
អាជ្ញាធរបាននិយាយថា ការគំរាមកំហែងចំពោះសហគមន៍ត្រូវបានបញ្ចប់ ហើយបានលើកការណែនាំឱ្យប្រជាជនស្នាក់នៅក្នុងផ្ទះ។ ចំនួនអ្នកស្លាប់ និងស្ថានភាពអ្នករងរបួសជាផ្លូវការ មិនទាន់ត្រូវបានបង្ហាញនៅឡើយទេ ប៉ុន្តែរបាយការណ៍ដំបូងថា យ៉ាងហោចណាស់មានមនុស្ស ៣ នាក់ស្លាប់៕
