ទីភ្នាក់ងារ UKMTO របស់ចក្រភពអង់គ្លេសបានរាយការណ៍ថា មានការផ្ទុះមួយកើតឡើងនៅជិតនាវាដឹកប្រេងមួយគ្រឿង នៅតំបន់សមុទ្រក្បែរឆ្នេរប្រទេសអូម៉ង់ នៅថ្ងៃចន្ទទី៣ ខែសីហា ឆ្នាំ២០២៦។
ប្រភពពីសារព័ត៌មានAnadolu Agency។
ហេតុការណ៍នេះកើតឡើងប្រហែល ២០ ម៉ាយល៍សមុទ្រភាគឦសាននៃទីក្រុង Khasab បន្ទាប់ពីប្រធាននាវាបានរាយការណ៍ថា បានឮសំឡេងផ្ទុះនៅក្បែរនាវា។ ទោះជាយ៉ាងណា នាវា និងសមាជិកនាវិកទាំងអស់ត្រូវបានរាយការណ៍ថាមានសុវត្ថិភាព ហើយអាជ្ញាធរកំពុងស៊ើបអង្កេតមូលហេតុនៃហេតុការណ៍នេះ។
UKMTO បានណែនាំឱ្យនាវាដែលធ្វើដំណើរឆ្លងកាត់តំបន់នេះបង្កើនការប្រុងប្រយ័ត្ន និងរាយការណ៍សកម្មភាពគួរឱ្យសង្ស័យ ខណៈភាពតានតឹងនៅជុំវិញច្រកសមុទ្រ Hormuz កំពុងកើនឡើង៕
