លោក Jorge Rodriguez ប្រធានរដ្ឋសភា នៅថ្ងៃទី០៣.០៨.២០២៦ បានផ្តល់ទិន្នន័យចុងក្រោយបំផុតពីគ្រោះមហន្តរាយថា ចំនួនអ្នកស្លាប់ដោយសាររញ្ជួយដី នៅប្រទេសវេណេស៊ុយអេឡា កាលពីចុងខែមិថុនា បានកើនឡើងដល់៦.១២៥នាក់។
សារព័ត៌មានAnadolu។
លលោក Jorge Rodriguez បានកត់សម្គាល់ថា ក្រុមសង្គ្រោះបន្ទាន់បានជួយសង្គ្រោះមនុស្សចំនួន៦.៦៤២ នាក់ដោយជោគជ័យ បន្ទាប់ពីសកម្មភាពរញ្ជួយដី។
លោក Rodriguez ថាមនុស្ស៦០.៩៩២ នាក់ត្រូវការការព្យាបាល នៅក្នុងមន្ទីរពេទ្យ។
ទាក់ទងនឹងលំនៅដ្ឋាន អាជ្ញាធរបានវាយតម្លៃលំនៅដ្ឋានជាង៤០.០០០ ខ្នង។
ក្នុងចំណោមនេះ២៥.៣២៥ ខ្នងនៅតែអាចរស់នៅបាន ខណៈដែល៩.៨៦៦ ខ្នងត្រូវបានដាក់កម្រិត និង៦.៤៣៣ ខ្នងត្រូវបានចាត់ថ្នាក់ថាស្ថិតក្នុង “ហានិភ័យខ្ពស់”។
យោងតាមលោក Rodrigues រដ្ឋាភិបាល បានប្រគល់ផ្ទះថ្មីចំនួន ២៨៧ខ្នងដល់គ្រួសារ ដែលត្រូវបានផ្លាស់ទីលំនៅរហូតមកដល់ពេលនេះ។
ប្រតិបត្តិការសម្អាតក៏បានរីកចម្រើនផងដែរ ដោយក្រុមបានប្រមូលកំទេចកំទីជាង ៣៨២.២៣០តោន ដែលតំណាងឱ្យប្រហែល ១៦.៥%នៃកម្ទេចកម្ទីសរុបដែលបានប៉ាន់ប្រមាណ។
ការរញ្ជួយដីកម្រិត ៧.២ និង ៧.៥ រ៉ិចទ័របានវាយប្រហារប្រទេសនេះ នៅថ្ងៃទី ២៤ ខែមិថុនា ដែលបណ្តាលឱ្យមានការខូចខាតយ៉ាងធ្ងន់ធ្ងរ និងបង្កឱ្យមានភាពអាសន្នជាតិ៕
