លោកស្រី Kim Yo Jong ប្អូនស្រីរបស់មេដឹកនាំកូរ៉េខាងជើង Kim Jong Un បានព្រមានថា ទីក្រុងព្យុងយ៉ាងអាចនឹងអនុវត្ត «ជម្រើសយោធាបន្ថែម» ដើម្បីឆ្លើយតបនឹងការបង្កើនសមត្ថភាពវាយប្រហាររបស់ជប៉ុន បន្ទាប់ពីទីក្រុងតូក្យូធ្វើតេស្តមីស៊ីល Tomahawk ដែលផលិតដោយសហរដ្ឋអាមេរិក។
ប្រភពពីសារព័ត៌មានReuter នៅថ្ងៃទី៥ខែសីហា។
លោកស្រី Kim Yo Jong បានចោទប្រកាន់ថា ជប៉ុនកំពុងផ្លាស់ប្តូរពីកម្លាំងការពារខ្លួន ទៅជាកងកម្លាំងដែលមានសមត្ថភាពវាយប្រហារមុន និងធ្វើប្រតិបត្តិការយោធានៅក្រៅប្រទេស។ អ្នកវិភាគមើលឃើញថា ការព្រមាននេះអាចជាការបង្កើតហេតុផលសម្រាប់កូរ៉េខាងជើងក្នុងការបន្តធ្វើតេស្តអាវុធ និងអភិវឌ្ឍសមត្ថភាពយោធាបន្ថែម៕
