ប្រភពរដ្ឋាភិបាលប៉ាគីស្ថានបានឱ្យដឹងថា អ្នកសម្រុះសម្រួលពីប៉ាគីស្ថាន កាតា និងអូម៉ង់ កំពុងរៀបចំឯកសារចុងក្រោយសម្រាប់បើកច្រកសមុទ្រHormuz ឡើងវិញ ខណៈការចរចាដោយប្រយោលរវាងសហរដ្ឋអាមេរិក និងអ៊ីរ៉ង់បានឈានដល់ដំណាក់កាលចុងក្រោយ។
ប្រភពពីសារព័ត៌មានAnadolu Agency នៅថ្ងៃទី៥ខែសីហា។
តាមប្រភពដដែល អ៊ីរ៉ង់នឹងយល់ព្រមបើកច្រកសមុទ្រ Hormuz ឡើងវិញ ខណៈសហរដ្ឋអាមេរិកនឹងដកការបិទកំពង់ផែរបស់អ៊ីរ៉ង់។ ទោះជាយ៉ាងណា ភាគីទាំងពីរនៅតែមានការខ្វែងគំនិតគ្នាលើការគិតថ្លៃសេវាឆ្លងកាត់ច្រកសមុទ្រ ដោយអាមេរិកចង់ឱ្យការធ្វើនាវាចរណ៍ពាណិជ្ជកម្មមិនគិតថ្លៃ ខណៈអ៊ីរ៉ង់ចង់គិតថ្លៃសេវាសម្រាប់ការពារ និងការថែរក្សាបរិស្ថាន។
រដ្ឋមន្ត្រីការបរទេសអាមេរិក Marco Rubio បាននិយាយថា ការចរចាមានវឌ្ឍនភាព ប៉ុន្តែមិនទាន់សម្រេចជាផ្លូវការនៅឡើយ ហើយសង្ឃឹមថា កិច្ចព្រមព្រៀងអាចសម្រេចបានក្នុងពេលឆាប់ៗនេះ៕
