រដ្ឋាភិបាលជប៉ុនបានអំពាវនាវឱ្យពង្រឹងឧស្សាហកម្មការពារជាតិ បង្កើនការនាំចេញអាវុធ និងពង្រីកកិច្ចសហប្រតិបត្តិការសន្តិសុខជាមួយសម្ព័ន្ធមិត្ត ខណៈភាពតានតឹងក្នុងតំបន់ឥណ្ឌូ-ប៉ាស៊ីហ្វិកកាន់តែខ្លាំងឡើង។
ប្រភពពីសារព័ត៌មានTRT World នៅថ្ងៃទី៥ខែសីហា។
របាយការណ៍សៀវភៅសការពារជាតិឆ្នាំ ២០២៦ របស់ជប៉ុនបានបញ្ជាក់ថា ប្រទេសត្រូវវិនិយោគបន្ថែមលើបច្ចេកវិទ្យាយោធាទំនើប ដូចជា បញ្ញាសិប្បនិម្មិត (AI) និងយន្តហោះគ្មានមនុស្សបើក ដើម្បីពង្រឹងសមត្ថភាពការពារ និងរក្សាកម្លាំងទប់ស្កាត់។
របាយការណ៍ក៏បានព្រមានថា ការធ្លាក់ចុះនៃក្រុមហ៊ុនផលិតសម្ភារៈការពារជាតិអាចប៉ះពាល់ដល់ការផ្គត់ផ្គង់ឧបករណ៍យោធា និងការអភិវឌ្ឍបច្ចេកវិទ្យារបស់ប្រទេស៕
