អ៊ីរ៉ង់បានឱ្យដឹងថា សេចក្តីថ្លែងការណ៍រួមជាមួយអូម៉ង់ ស្តីពីការបង្កើតផ្លូវសុវត្ថិភាពសម្រាប់នាវាពាណិជ្ជកម្មឆ្លងកាត់ច្រកសមុទ្រ Hormuz កំពុងស្ថិតក្នុងដំណាក់កាលចុងក្រោយនៃការរៀបចំ។
ប្រភពពីសារព័ត៌មានAnadolu Agency នៅថ្ងៃទី៦ខែសីហា។
អ្នកនាំពាក្យក្រសួងការបរទេសអ៊ីរ៉ង់ លោក Esmaeil Baqaei បាននិយាយថា ភាគីទាំងពីរបានពិភាក្សាគ្នាអស់រយៈពេលពីរខែ និងបានឯកភាពលើទីតាំងផ្លូវនាវាចរណ៍រួចហើយ។ លោកបញ្ជាក់ថា ប្រសិនបើគ្មានការជ្រៀតជ្រែកពីភាគីខាងក្រៅ កិច្ចព្រមព្រៀងនឹងត្រូវបញ្ចប់ក្នុងពេលឆាប់ៗនេះ។
ទោះជាយ៉ាងណា អ៊ីរ៉ង់អះអាងថា សុវត្ថិភាពនៃការធ្វើនាវាចរណ៍នៅច្រកសមុទ្រ Hormuz នៅតែអាស្រ័យលើស្ថានការណ៍សន្តិសុខក្នុងតំបន់ ហើយបានចោទថា សកម្មភាពយោធារបស់សហរដ្ឋអាមេរិក និងអ៊ីស្រាអែល គឺជាមូលហេតុដែលធ្វើឱ្យតំបន់នេះនៅតែមិនមានសុវត្ថិភាព៕
