កងទ័ពយេម៉ែនបានឱ្យដឹងថា ទាហាន និងមន្ត្រីយោធា ១៧ នាក់បានស្លាប់ និងជាច្រើននាក់ទៀតរងរបួស ក្រោយក្រុមហ៊ូធីវាយប្រហារដោយមីស៊ីលបាលីស្ទិក និងដ្រូនផ្ទុកគ្រឿងផ្ទុះ។
ប្រភពពីសារព័ត៌មានAnadolu Agency នៅថ្ងៃទី៧ខែសីហា។
ក្រុមហ៊ូធីបានអះអាងទទួលខុសត្រូវចំពោះការវាយប្រហារនេះ ដោយបញ្ជាក់ថា បានកំណត់គោលដៅលើទីតាំងកងកម្លាំងដែលគាំទ្រដោយអារ៉ាប៊ីសាអូឌីត។ ខណៈរដ្ឋាភិបាលយេម៉ែនបានប្រកាសថា នឹងចាត់វិធានការឆ្លើយតប និងពង្រឹងសន្តិសុខ ដើម្បីទប់ស្កាត់ការវាយប្រហារស្រដៀងគ្នានាពេលខាងមុខ៕
