អ៊ីរ៉ង់កំពុងពិនិត្យសេចក្តីព្រាងច្បាប់មួយ ដែលមានគោលបំណងហាមឃាត់នាវារបស់សហរដ្ឋអាមេរិក អ៊ីស្រាអែល និងនាវាផ្សេងទៀតដែលអ៊ីរ៉ង់ចាត់ទុកថាជាសត្រូវ មិនឱ្យឆ្លងកាត់ច្រកសមុទ្រ Hormuz។
ប្រភពពីសារព័ត៌មានReuter នៅថ្ងៃទី៧ខែសីហា។
យោងតាមទីភ្នាក់ងារព័ត៌មាន Fars របស់អ៊ីរ៉ង់ សេចក្តីព្រាងច្បាប់នេះកំពុងស្ថិតក្រោមការពិនិត្យរបស់គណៈកម្មាធិការសភា ហើយអ្នកដែលរំលោភបម្រាមអាចប្រឈមនឹងការផាកពិន័យរហូតដល់ ២០% នៃតម្លៃទំនិញនៅលើនាវា។
ទោះជាយ៉ាងណា ច្បាប់នេះមិនទាន់ត្រូវបានអនុម័តនៅឡើយទេ។ សភាអ៊ីរ៉ង់កំពុងស្នើឱ្យអ្នកជំនាញផ្តល់យោបល់ មុននឹងបញ្ចប់សេចក្តីព្រាងច្បាប់៕
