ដ្ឋមន្ត្រីមហាផ្ទៃអាល្លឺម៉ង់ Alexander Dobrindt បានព្រមានថា ប្រទេសអាល្លឺម៉ង់កំពុងប្រឈមមុខនឹងការវាយប្រហារបែប “សង្គ្រាមកូនកាត់” ពីបរទេសជារៀងរាល់ថ្ងៃ។ ការព្រមាននេះធ្វើឡើងបន្ទាប់ពីមានករណីដ្រូនផ្ទុកសារធាតុផ្ទុះត្រូវបានរកឃើញនៅជិតផ្លូវរត់យន្តហោះនៅអាកាសយានដ្ឋាន Leipzig/Halle កាលពីថ្ងៃទី៥ ខែសីហា។
ប្រភពពីសារព័ត៌មានReuter នៅថ្ងៃទី៩ខែសីហា។
លោក Dobrindt បាននិយាយថា អំណាចបរទេសមួយចំនួនអាចកំពុងព្យាយាមធ្វើឱ្យអាល្លឺម៉ង់មានភាពភ័យខ្លាច និងអស្ថិរភាព ដើម្បីដាក់សម្ពាធលើប្រទេសនេះទាំងផ្នែកនយោបាយ និងសង្គម។
លោកបញ្ជាក់ថា ទោះអាល្លឺម៉ង់មិនកំពុងស្ថិតក្នុងសង្គ្រាមផ្លូវការក៏ដោយ ក៏ការធ្វើចារកម្ម ការបំផ្លិចបំផ្លាញ ការវាយប្រហារតាមអ៊ីនធឺណិត និងប្រតិបត្តិការសម្ងាត់ពីបរទេស បានក្លាយជាការគំរាមកំហែងជាប្រចាំ៕
