មន្ត្រីសន្តិសុខអ៊ីស្រាអែលកំពុងពិចារណាផែនការដកកងទ័ពរបស់ខ្លួនមួយផ្នែកចេញពីតំបន់មួយចំនួនក្នុងតំបន់ហ្គាហ្សា ហើយដាក់កម្លាំងពហុជាតិ ឬ “កម្លាំងស្ថិរភាពអន្តរជាតិ” ចូលជំនួស។ នេះបើតាមសារព័ត៌មានអ៊ីស្រាអែល Channel 12។
ប្រភពពីសារព័ត៌មានAnadolu Agency នៅថ្ងៃទី៩ខែសីហា។
ការពិភាក្សានេះត្រូវបានធ្វើឡើងក្នុងប៉ុន្មានថ្ងៃចុងក្រោយ ដើម្បីជួយអនុវត្តផែនការឈប់បាញ់។ របាយការណ៍បញ្ជាក់ថា ជំហានដំបូងៗក្នុងការបង្កើតកម្លាំងអន្តរជាតិនេះបានចាប់ផ្តើម ហើយអ៊ីស្រាអែលត្រូវបានរាយការណ៍ថា បានយល់ព្រមឱ្យកម្លាំងនេះចូលទៅកាន់តំបន់មួយចំនួនក្នុងហ្គាហ្សា។
ទោះជាយ៉ាងណា មិនទាន់មានការបញ្ជាក់ថា កម្លាំងអន្តរជាតិនឹងត្រូវដាក់នៅតំបន់ណាខ្លះ និងអ៊ីស្រាអែលនឹងដកកងទ័ពចេញក្នុងកម្រិតណានោះទេ៕
