អ៊ីរ៉ង់ បាននិយាយថាកិច្ចព្រមព្រៀងជាមួយអូម៉ង់ ស្តីពីការរៀបចំផ្លូវសម្រាប់នាវាឆ្លងកាត់ច្រកសមុទ្រ Hormuz កំពុងឈានដល់ដំណាក់កាលចុងក្រោយ។ ប៉ុន្តែអ៊ីរ៉ង់បញ្ជាក់ថា ច្រកនេះនឹងមិនទាន់បើកឡើងវិញទេ រហូតដល់សហរដ្ឋអាមេរិកបំពេញលក្ខខណ្ឌដែលអ៊ីរ៉ង់បានទាមទារ។
ប្រភពពីសារព័ត៌មានReuter នៅថ្ងៃទី៩ខែសីហា។
រដ្ឋមន្ត្រីការបរទេសអ៊ីរ៉ង់ លោក Abbas Araqchi បានទាមទារឲ្យអាមេរិកចាត់វិធានការដោះស្រាយបញ្ហាដែលនៅសល់ និងផ្តល់សំណងដល់អ៊ីរ៉ង់។ ខណៈមន្ត្រីអាមេរិកជឿថា កិច្ចព្រមព្រៀងអាចសម្រេចបានក្នុងពេលឆាប់ៗ និងអាចនាំឲ្យ Hormuz បើកឡើងវិញ។
សូមបញ្ជាក់ថា៖ ច្រក Hormuz មានសារៈសំខាន់ខ្លាំងសម្រាប់ពិភពលោក ព្រោះជាផ្លូវដឹកជញ្ជូនប្រេង និងឧស្ម័នសំខាន់មួយ។ ប្រសិនបើច្រកនេះនៅតែបិទ វាអាចប៉ះពាល់ដល់ការផ្គត់ផ្គង់ និងតម្លៃប្រេងនៅលើទីផ្សារពិភពលោក៕
