កងកម្លាំងអ៊ីស្រាអែលបានបាញ់ផ្លោងទៅលើភូមិចំនួន៤ក្នុងខេត្ត Nabatieh ភាគខាងត្បូងប្រទេសលីបង់ កាលពីព្រឹកថ្ងៃទី៩ ខែសីហា ប៉ុន្មានថ្ងៃបន្ទាប់ពីលីបង់ និងអ៊ីស្រាអែលបានបញ្ចប់ជុំចរចានៅទីក្រុងរ៉ូម ដើម្បីព្យាយាមបញ្ចប់ការវាយប្រហារ និងឲ្យអ៊ីស្រាអែលដកកងទ័ពចេញពីទឹកដីលីបង់។
ប្រភពពីសារព័ត៌មានAnadolu Agency។
តាមសារព័ត៌មានរដ្ឋលីបង់ ការបាញ់ផ្លោងបានប៉ះតំបន់ជុំវិញ Nabatieh al-Fawqa, Zawtar, Mayfadoun និង Doha Kfar Rumman។ កងទ័ពអ៊ីស្រាអែលក៏បានបង្កការផ្ទុះធំមួយនៅទីក្រុង Zawtar al-Sharqiyah និងមានយន្តហោះចម្បាំង និងដ្រូនហោះលើតំបន់ផ្សេងៗក្នុងលីបង់ផងដែរ។ មិនទាន់មានការបញ្ជាក់ពីអ្នកស្លាប់ ឬរបួសក្នុងការវាយប្រហារចុងក្រោយនេះទេ។
ទោះបីការចរចារវាងភាគីទាំងពីរមានការរីកចម្រើនក៏ដោយ អ៊ីស្រាអែលនៅតែបន្តប្រតិបត្តិការយោធានៅលីបង់។ ចាប់តាំងពីថ្ងៃទី២ ខែមីនា ការវាយប្រហារបានសម្លាប់មនុស្ស ៤,៣៣៣នាក់ របួស ១២,២៥០នាក់ និងធ្វើឲ្យប្រជាជនជាង ១លាននាក់ភៀសខ្លួន៕
