សហរដ្ឋអាមេរិកបានបញ្ជាក់ជាថ្មីថា ខ្លួនគាំទ្ររដ្ឋាភិបាលយេម៉ែន ក្នុងការប្រឈមមុខនឹងការវាយប្រហាររបស់ក្រុមហ៊ូទី ដោយផ្តោតលើសន្តិសុខផ្លូវសមុទ្រ និងការប្រយុទ្ធប្រឆាំងភេរវកម្ម។
ប្រភពពីសារព័ត៌មានAnadolu Agency នៅថ្ងៃទី១០ខែសីហា។
ការបញ្ជាក់នេះធ្វើឡើង ខណៈការប្រយុទ្ធរវាងកងកម្លាំងរដ្ឋាភិបាលយេម៉ែន និងក្រុមហ៊ូទីកំពុងកើនឡើងខ្លាំង។ កាលពីថ្ងៃអាទិត្យ ការវាយប្រហាររបស់ហ៊ូទីលើកំពង់ផែ Mokha និងតំបន់លំនៅឋានជិតខាង បានសម្លាប់ជនស៊ីវិលយ៉ាងហោចណាស់ ៧នាក់ និងរបួសប្រមាណ ៣៥នាក់។ រដ្ឋាភិបាលយេម៉ែនអះអាងថា ខ្លួនបានបាញ់ទម្លាក់ដ្រូនរបស់ហ៊ូទី ១១គ្រឿង និងបំផ្លាញទូកបំពាក់គ្រឿងផ្ទុះមួយគ្រឿង៕
