គ្រោះរញ្ជួយដីកម្រិត៧.៤រ៉ិចទ័រ បានវាយប្រហារភាគខាងលិច ប្រទេសកូឡុំប៊ី កាលពីថ្ងៃចន្ទទី១០.០៨.២០២៦ បណ្ដាលឱ្យអគារជាច្រើនដួលរលំ និងចំនួនអ្នកស្លាប់កើនដល់១១១នាក់។
សារព័ត៌មានAnadoluនិង(រ៉យទ័រ)។
ការរញ្ជួយដីនេះ បានកើតឡើងនៅម៉ោង ១២:៣៤ ម៉ោងក្នុងស្រុក (GMT) ដែលមានចំណុចកណ្តាលស្ថិតនៅចម្ងាយប្រហែល៥ គីឡូម៉ែត្រ (៣.១ ម៉ាយ) ភាគខាងកើតនៃទីក្រុង San Jose del Palmar។
ទីភ្នាក់ងារសហរដ្ឋអាមេរិកបានរាយការណ៍ថា គ្រោះរញ្ជួយដីនេះមានប្រភពមកពីជម្រៅ១០៧គីឡូម៉ែត្រ (៦៦.៥ ម៉ាយ)។
គ្រោះរញ្ជួយដីនេះ បានកើតឡើងត្រឹមតែប៉ុន្មានថ្ងៃ បន្ទាប់ពីលោក Abelardo De La Espriella បានស្បថចូលកាន់តំណែងជាប្រធានាធិបតី។
ដោយបានជំរុញឱ្យរដ្ឋបាលថ្មីធ្លាក់ចូលទៅក្នុងវិបត្តិធំលើកដំបូងរបស់ខ្លួន ដោយនៅតែមានការចងចាំអំពីការរញ្ជួយដី២លើកដ៏បំផ្លិចបំផ្លាញនៅក្នុងប្រទេសវេណេស៊ុយអេឡាជិតខាងក្នុងខែមិថុនា។
លោក បានមានប្រសាសន៍នៅក្នុងសុន្ទរកថា ជាតិមួយនៅម៉ោងប្រហែល ១ រសៀល ម៉ោងក្នុងស្រុក នៅពេលប្រកាសស្ថានភាពអាសន្នជាតិថា “អាទិភាពដំបូងគឺការជួយសង្គ្រោះមនុស្សដែលជាប់នៅក្រោមគំនរបាក់បែក”។
លោក De La Espriella បាននិយាយថា របាយការណ៍បឋមបានបង្ហាញថាមានមនុស្សស្លាប់ ១១១ នាក់ និងរបួស ៨៧ នាក់ រួមជាមួយនឹងអគារដួលរលំរាប់សិបខ្នង និងផ្ទះសម្បែងដែលខូចខាត៕
