អង្គការសហប្រជាជាតិ (UN) បានព្រមានថា ការវាយប្រហាររបស់យោធាអ៊ីស្រាអែលនៅតំបន់ហ្គាហ្សា នៅតែបន្តបង្កគ្រោះថ្នាក់ដល់ប្រជាជនស៊ីវិល និងធ្វើឱ្យតម្រូវការមនុស្សធម៌កាន់តែធ្ងន់ធ្ងរ។
ប្រភពពីសារព័ត៌មានTRT World នៅថ្ងៃទី១១ខែសីហា។
លោក Farhan Haq អ្នកនាំពាក្យរងរបស់អគ្គលេខាធិការអង្គការសហប្រជាជាតិ បាននិយាយថា ការិយាល័យ OCHA បានកត់ត្រាឧប្បត្តិហេតុជាច្រើនចាប់តាំងពីថ្ងៃសុក្រ ដែលមួយចំនួនត្រូវបានរាយការណ៍ថា បណ្តាលឱ្យមានអ្នកស្លាប់ និងរបួសក្នុងចំណោមជនស៊ីវិល។
ជាមួយគ្នានេះ ក្រុមមនុស្សធម៌បានរកឃើញវត្ថុផ្ទុះជាង ១,០០០ មុខ នៅទូទាំងតំបន់ហ្គាហ្សា ដែលបង្កការគំរាមកំហែងបន្ថែមដល់ប្រជាជន ជាពិសេសនៅតំបន់ដែលមានអគារខូចខាត និងកំពុងត្រូវបានស្វែងរក៕
