តួកគី សម្តែងការសោកស្តាយចំពោះគ្រោះរញ្ជួយដីនៅកូឡុំប៊ី ដែលសម្លាប់មនុស្សយ៉ាងហោចណាស់១១១នាក់!

រញ្ជួយដីកម្រិត៧.៤បានវាយប្រហារភាគខាងលិចប្រទេសកូឡុំប៊ី កាលពីថ្ងៃចន្ទ បណ្តាលឱ្យមនុស្សយ៉ាងហោចណាស់១១១នាក់ស្លាប់និង៨៧នាក់រងរបួស។ផ្ទះជាង១,៥០០ខ្នងនិងអគារផ្លូវ មណ្ឌលសុខភាព និងសាលារៀនជាច្រើនកន្លែងបានរងការខូចខាត។
ប្រភពពីសារព័ត៌មានAnadolu Agency នៅថ្ងៃទី១១ខែសីហា។

រដ្ឋាភិបាលកូឡុំប៊ីបានប្រកាស គ្រោះមហន្តរាយជាតិ ដើម្បីពង្រឹងការជួយសង្គ្រោះ និងដោះស្រាយស្ថានការណ៍បន្ទាន់។
ជាមួយគ្នានេះ ក្រសួងការបរទេសតួកគីបានសម្តែងការចូលរួមរំលែកទុក្ខដល់គ្រួសារជនរងគ្រោះ និងប្រជាជនកូឡុំប៊ី។ ស្ថានទូតតួកគីនៅទីក្រុង Bogotá ក៏កំពុងតាមដានស្ថានភាពពលរដ្ឋតួកគីដែលនៅក្នុងប្រទេសនេះផងដែរ៕