(ភ្នំពេញ)៖ នៅរសៀលថ្ងៃទី១១ ខែសីហា ឆ្នាំ២០២៦ គណៈមេប្រយោគទូទាំងប្រទេស បានប្រចាំការ និងតាមដានដំណើរការប្រឡងលើគ្រប់ទិដ្ឋភាពរដ្ឋបាល និងបច្ចេកវិទ្យាប្រឡង ព្រមទាំង សម្របសម្រួលជាមួយគណៈមេប្រយោគ នៅតាមមណ្ឌលរាជធានី-ខេត្ត។
ដើម្បីប្រមូលព័ត៌មាន ដោះស្រាយបញ្ហាបច្ចេកទេសនានា ឆ្លើយតបសំណួរ និងផ្សព្វផ្សាយព័ត៌មានបច្ចុប្បន្នភាពនៃដំណើរការប្រឡងបានឆាប់រហ័ស ប្រកបដោយតម្លាភាព និងទាន់ពេលវេលា តាមរយៈគេហទំព័រ និងទំព័របណ្ដាញសង្គមផ្លូវការរបស់ក្រសួងអប់រំ យុវជន និងកីឡា។
ក្រសួងអប់រំ យុវជន និងកីឡា បានលើកទឹកចិត្តដល់ថ្នាក់ដឹកនាំ បុគ្គលិកអប់រំ គណៈមេប្រយោគ គណៈកម្មការនានា និងអ្នកពាក់ព័ន្ធ ទាំងអស់ បន្តយកចិត្តទុកដាក់ខិតខំបំពេញភារកិច្ចប្រកបដោយវិជ្ជាជីវៈ សុចរិតភាព និងប្រសិទ្ធភាព ដើម្បីធានាឱ្យដំណើរការ ប្រឡងប្រព្រឹត្តទៅដោយរលូន សុវត្ថិភាព និងជោគជ័យ។
ទន្ទឹមនឹងនេះ សូមជូនពរក្មួយៗជាបេក្ខជនទាំងអស់ សូមទទួលបានលទ្ធផលល្អឆ្លើយតបនឹង ការខិតខំប្រឹងប្រែងរៀនសូត្រកន្លងមក។
សូមបន្តតាមដានផេកក្រសួងអប់រំ យុវជន និងកីឡា ដើម្បីទទួលបានព័ត៌មានឆាប់រហ័ស ច្បាស់ការ និងទុកចិត្តបានពាក់ព័ន្ធនឹងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦៕
