កងទ័ពអ៊ីស្រាអែលបានកម្ទេចផ្ទះរបស់បុរសប៉ាឡេស្ទីនម្នាក់ នៅតំបន់ West Bank ប៉ុន្មានសប្តាហ៍បន្ទាប់ពីបុរសរូបនេះត្រូវបានសម្លាប់ ខណៈពេលប្រឈមមុខជាមួយអ្នកតាំងទីលំនៅអ៊ីស្រាអែល។
ប្រភពពីសារព័ត៌មានAnadolu Agency នៅថ្ងៃទី១១ខែសីហា។
ក្រៅពីនេះ កងទ័ពអ៊ីស្រាអែលក៏បានចាប់ផ្តើមរុះរើផ្ទះ និងហាងរបស់ជនជាតិប៉ាឡេស្ទីនប្រមាណ ២០កន្លែង នៅតំបន់ Anza ភាគខាងត្បូងទីក្រុង Jenin។ អ៊ីស្រាអែលអះអាងថា សំណង់ទាំងនោះត្រូវបានសាងសង់ដោយគ្មានលិខិតអនុញ្ញាត។
ការកម្ទេចលំនៅឋាន និងហាងទាំងនេះបានបង្កើនភាពតានតឹងនៅតំបន់ West Bank ដែលកំពុងប្រឈមនឹងជម្លោះ និងការប៉ះទង្គិចរវាងប្រជាជនប៉ាឡេស្ទីន អ្នកតាំងទីលំនៅអ៊ីស្រាអែល និងកងកម្លាំងអ៊ីស្រាអែល៕
