ប្រធានាធិបតីអាមេរិក លោក Donald Trump បានព្រមានស្ថាប័នគ្រប់គ្រងបាល់ទាត់ពិភពលោក FIFA ថានឹងក្លាយជាកំហុសដ៏ធ្ងន់ ប្រសិនបើមានការពិចារណាផ្លាស់ប្តូរលោក Gianni Infantino ចេញពីតំណែងប្រធានFIFA។
ប្រភពពីសារព័ត៌មានAnadolu Agency នៅថ្ងៃទី១១ខែសីហា។
លោកTrump បានសរសើរលោក Infantino ថា ជាប្រធានដ៏ល្អ និងអះអាងថាលោកបានដឹកនាំការប្រកួតបាល់ទាត់ពិភពលោកដែលទទួលបានជោគជ័យខ្លាំងបំផុត។ លោកក៏បានព្រមានថា ប្រសិនបើលោក Infantino ចាកចេញ FIFA អាចនឹងមិនទទួលបានជោគជ័យ និងប្រាក់ចំណេញដូចមុនទៀតឡើយ។
ការលើកឡើងនេះកើតឡើង ខណៈលោក Infantino កំពុងរងសម្ពាធ បន្ទាប់ពីផែនការរបស់ FIFA ក្នុងការលក់ភាគហ៊ុនពាក់ព័ន្ធនឹងការប្រកួត World Cup ទៅឱ្យក្រុមហ៊ុនវិនិយោគឯកជនបានបរាជ័យ៕
