ប្រធានាធិបតីអាមេរិក Donald Trump ធ្លាប់ប្រាប់ប្រធានាធិបតីអ៊ុយក្រែន Volodymyr Zelenskyy ថា អ៊ុយក្រែនកំពុងចាញ់សង្គ្រាម និង “គ្មានសន្លឹកបៀ” សម្រាប់ការចរចាជាមួយរុស្ស៊ី។
ប្រភពពីសារព័ត៌មានAP នៅថកងៃទី១១ខែសីហា។
ប៉ុន្តែបន្ទាប់ពីនោះ អ៊ុយក្រែនបានបង្កើនការវាយប្រហារដោយដ្រូនចូលក្នុងទឹកដីរុស្ស៊ី។ កងកម្លាំងអ៊ុយក្រែនបានវាយប្រហារលើយន្តហោះយោធា មូលដ្ឋានការពារដែនអាកាស រោងចក្រចម្រាញ់ប្រេង និងឃ្លាំងទំនិញរបស់រុស្ស៊ី។
ជាមួយគ្នានេះ ការវាយប្រហារលើរោងចក្រចម្រាញ់ប្រេងបានប៉ះពាល់ដល់ការផ្គត់ផ្គង់ប្រេងឥន្ធនៈនៅរុស្ស៊ី។ ដូច្នេះ អ៊ុយក្រែនកំពុងព្យាយាមបង្កើនសម្ពាធលើរុស្ស៊ី ដោយនាំការវាយប្រហារទៅកាន់តំបន់ខាងក្នុងប្រទេសរុស្ស៊ី៕
