នាយកប្រតិបត្តិមូលនិធិទ្រព្យសម្បត្តិរដ្ឋន័រវែស លោក Nicolai Tangen បានព្រមានថា មូលនិធិដែលមានទ្រព្យសម្បត្តិប្រមាណ២ទ្រីលានដុល្លារ អាចប្រឈមនឹងការខាតបង់យ៉ាងធ្ងន់ធ្ងរ ហើយសូម្បីតែអាចបាត់បង់តម្លៃទាំងស្រុង ប្រសិនបើទីផ្សារហិរញ្ញវត្ថុពិភពលោកជួបវិបត្តិធ្ងន់ធ្ងរ។
ប្រភពពីសារព័ត៌មានReuter នៅថ្ងៃទី១២ខែសីហា។
មូលនិធិនេះត្រូវបានបង្កើតឡើងដោយប្រើប្រាក់ចំណូលពីការផលិតប្រេង និងឧស្ម័នរបស់ន័រវែស ហើយវិនិយោគនៅក្រៅប្រទេសក្នុង ភាគហ៊ុន មូលបត្របំណុល អចលនទ្រព្យ និងគម្រោងថាមពលកកើតឡើងវិញ។
ក្នុងរយៈពេលមិនដល់មួយទសវត្សរ៍ មូលនិធិបានកើនទ្រព្យសម្បត្តិទ្វេដង ពីប្រមាណ១ទ្រីលានដុល្លារក្នុងឆ្នាំ២០១៧ ទៅប្រហែល២ទ្រីលានដុល្លារបច្ចុប្បន្ន។ទ្រព្យសម្បត្តិរបស់មូលនិធិក៏មានសារៈសំខាន់ខ្លាំងចំពោះសេដ្ឋកិច្ចន័រវែស ដោយជួយផ្គត់ផ្គង់ប្រមាណ មួយភាគបួននៃការចំណាយសាធារណៈ របស់ប្រទេស៕
