ចំនួននាវាដែលធ្វើដំណើរឆ្លងកាត់ច្រកសមុទ្រ Hormuz បានធ្លាក់ចុះយ៉ាងខ្លាំង ដោយនៅថ្ងៃអង្គារ មាននាវាត្រឹមតែ ៨គ្រឿង ប៉ុណ្ណោះ។ នេះជាចំនួនទាបបំផុតក្នុងរយៈពេលមួយសប្តាហ៍។
ប្រភពពីសារព័ត៌មានReuter នៅថ្ងៃទី១៣ខែសីហា។
មូលហេតុសំខាន់គឺ ការប្រយុទ្ធ និងភាពតានតឹងនៅមជ្ឈិមបូព៌ា ដែលធ្វើឱ្យក្រុមហ៊ុនដឹកជញ្ជូនជាច្រើនមិនហ៊ានបញ្ជូននាវាឆ្លងកាត់តំបន់នេះ ព្រោះបារម្ភពីសុវត្ថិភាព។
តាមទិន្នន័យ មាននាវាតែមួយគ្រឿងបានចេញពីច្រក Hormuz ខណៈនាវា ៧គ្រឿងផ្សេងទៀតកំពុងធ្វើដំណើរចូលតាមដែនទឹកអ៊ីរ៉ង់។ ជាធម្មតា មុនពេលមានជម្លោះ ច្រកនេះមាននាវាឆ្លងកាត់ប្រហែល១៣០ ទៅ១៤០គ្រឿងក្នុងមួយថ្ងៃ៕
