អតីតនាយករដ្ឋមន្ត្រីចិន លោកZhu Rongji បានទទួលមរណភាពកាលពីថ្ងៃពុធ ទី១២ ខែសីហា ក្នុងវ័យ៩៧ឆ្នាំ។ លោកត្រូវបានគេចាត់ទុកថាជាមេដឹកនាំសំខាន់ម្នាក់ ដែលបានជួយជំរុញសេដ្ឋកិច្ចចិនឱ្យទំនើបកម្ម និងបើកចំហកាន់តែខ្លាំងនៅចុងទសវត្សរ៍ឆ្នាំ១៩៩០និងដើមឆ្នាំ២០០០។
ប្រភពពីសារព័ត៌មានReuter នៅថ្ងៃទី១៣ខែសីហា។
លោកZhu មានភាពល្បីល្បាញដោយសារការនិយាយ ត្រង់ៗ និងមិនស្ទាក់ស្ទើរ។ ក្នុងសុន្ទរកថារបស់លោក លោកតែងរិះគន់បញ្ហាអំពើពុករលួយ ការគ្រប់គ្រងមិនល្អ និងកំហុសរបស់មន្ត្រីរដ្ឋាភិបាល ដោយប្រើពាក្យខ្លាំងៗ។
មរណភាពរបស់លោក Zhu Rongji ត្រូវបានមើលឃើញថា ជាការបាត់បង់មេដឹកនាំជំនាន់មួយ ដែលមានឥទ្ធិពលយ៉ាងខ្លាំងលើដំណើរការកែទម្រង់ និងការធ្វើទំនើបកម្មសេដ្ឋកិច្ចរបស់ប្រទេសចិន៕
