នាយករដ្ឋមន្ត្រីប៉ូឡូញ លោក Donald Tusk បាននិយាយថា អាជ្ញាធរប៉ូឡូញបាន រារាំងផែនការរបស់រុស្ស៊ី ដែលប៉ុនប៉ងសម្លាប់ពលរដ្ឋអាមេរិកម្នាក់ដើមកំណើតអ៊ុយក្រែន នៅទីក្រុង Warsaw មុនពេលផែនការនេះអាចអនុវត្តបាន។
ប្រភពពីសារព័ត៌មានApនៅថ្ងៃទី១៤ខែសីហា។
ប៉ូឡូញបានចាប់ខ្លួនជនសង្ស័យម្នាក់កាលពីថ្ងៃទី៧ ខែសីហា ដែលត្រូវបានចោទប្រកាន់ថា ត្រូវបានជ្រើសរើសដោយសេវាសម្ងាត់របស់រុស្ស៊ី ដើម្បីអនុវត្តផែនការនេះ។
លោក Tusk បាននិយាយថា នេះជាករណីមិនធ្លាប់មានពីមុន ដែលមនុស្សដែលធ្វើតាមការបញ្ជារបស់រុស្ស៊ី ត្រូវបានចោទថា ប៉ុនប៉ងវាយប្រហារលើពលរដ្ឋអាមេរិកនៅក្នុងប្រទេសសមាជិក NATO មួយផ្សេងទៀត។
មន្ត្រីលោកខាងលិចធ្លាប់បានព្រមានថា រុស្ស៊ីបានបង្កើនសកម្មភាពប៉ុនប៉ងសម្លាប់មនុស្សជាក់លាក់នៅតាមបណ្តាប្រទេសអឺរ៉ុប ចាប់តាំងពីការឈ្លានពានអ៊ុយក្រែនក្នុងឆ្នាំ២០២២៕
