(តាកែវ)៖ កម្មករសំណង់ជាង២០នាក់បាននាំគ្នាតវ៉ាបិទផ្លូវ ក្នុងបំណងទាមទារឱ្យថៅកែ បើកប្រាក់ឈ្នួលដែលពួកគេអះអាងថា មិនទាន់បានបើកនោះទេ.!។
ហេតុការណ៍នេះ បានកើតឡើងនៅវេលាម៉ោងប្រមាណ១១ព្រឹក ថ្ងៃទី១៤ ខែសីហា ឆ្នាំ២០២៦ ត្រង់ចំណុចចំណុចអគារសំណង់រោងចក្រមួយកន្លែង ស្ថិតនៅភូមិស្តុក ឃុំកុមារាជា ស្រុកបាទី ខេត្តតាកែវ។
លោក មូល សារ៉ាត់ អធិការនគរបាលស្រុកបាទី បានថ្លែងប្រាប់អ្នកសារព័ត៌មានថា ក្រោយទទួលបានព័ត៌មានអំពីរឿងនេះ លោកបានចាត់កម្លាំង ចុះសម្របសម្រួលនិងស្នើឱ្យក្រុមកម្មករបើកផ្លូវឡើងវិញ ដើម្បីកុំឱ្យប៉ះពាល់ដល់ការធ្វើដំណើររបស់ប្រជាពលរដ្ឋ។
លោកអធិការបន្តថា ពាក់ព័ន្ធនិងករណីនេះ មន្ត្រីជំនាញ នឹងចុះមកជួបជាមួយកម្មករ និងភាគីពាក់ព័ន្ធ ដើម្បីពិនិត្យស្វែងរកដំណោះស្រាយ នៅថ្ងៃទី១៤ ខែសីហា ឆ្នាំ២០២៦៕
